• اخرالمواضيع

    حلويات اللوز : طريقة تحضير الكعاب بالتفصيل و الصور

     حلويات اللوز : طريقة تحضير الكعاب بالتفصيل و الصور
    السلام عليكم ورحمة الله تعالى وبركاته
    اليوم احبائي جبت ليكم الكعاب العجينة المعتمدة عني ولي مكنبدلهاش وماعمرها ماحشماتني وغادي نعطيكم الطريقة انشاء الله بالتفصيل يالله نبداو باسم الله
    المقادير

     نص كيلو فورص نص كاس زبدة مدوبة 2 معالق كبار ماء زهر معلقة كبيرة سنيدة ملح بيضة وماء للعجن انا عطيت هاد المقادير للمبتدئات باش يعرفو القياس انا كنخوي كمية من الفورص يعني اكثر من نص كيلو وبيضة والباقي عيني ميزاني وراه هاد العجينة مضمونة
     من بعد مانعجنو بالماء تكون قاسحة شوية ضروري كنديرو منها كويرات ندخلوهم للثلاجة يرتاحو 30د
     كنطلقو الكويرة فالفورص بزايد ونقسموها على 2 وندوزوها فالماكينة انا هنا درت رقم 6 لي معندهاش متكونش غليضة ومتكونش رقيقة بزاف ولي بغات تنقشها خاص تكون غليضة شوية انا هنا مافيا مانقش ههههههه
    هاهي من بعد ماخرجتها 
    كنحطو العقدة لي عبارة عن نص كيلو لوز مفسخ مطحون للمرة الاولى بوحدو كنزيدو عليه 200 كرام سنيدة نخلط ونعاود نطحنو حتى يولي عجينة نضيف عليه 2 معالق كبار زبدة راس معلقة قرفة شوية مسكة دقوقة مع شوية سنيدة 2 معالق كبار ماء زهر نخلطو ونخدمو بيها
     نخدمو بصباعنا للحصول على شكل كعبة وشوفو معايا منين دوزت الجرارة ضروري تكون مسافة بين العقدة وونخليو العجينة لان اللوز غادي يتمدد ويطرطق يلا ماخليناش ليه فين يتيسع

     لشكل اخر كنقطعو دوائر ونحطو العقدة ونجمعو الراس مع الراس كيما فالصورة

    باش نديرو شكل سيكار نطلقو العجينة نحطو الحشوة ونلويوها
     منبعد مالويناها نقطعو عبار واحد نغطسو الجناب فالبيض ثم الجنجلان
     كندوزو الحلوى ديالنا من التحت فالفورص باش ماندهنوش الاطة وتولي عندنا حلوة اللوز مقلية ه خاص تكون ناشفة ونخليوهم انا عجنتهم فالصباح العشية عاد طيبتهم او يباتو ليلة كاملة من بعد كنتقبوهم وندخلوهم يطيبو على عافية مهيلة بزاف باش مايطرطقوش وحت سيكار نثقبوهم حيت حتى هما كيطرققو ومايتحمروش خاص يبقاو بيضين
    هاهما ملي خرجو من الفران
     هاهي ملي دهنتها بالناباج وكنصح بعدم دهن الحلى الا عند تقديمها لانها كتشربو ومكيبقاش اللمعان وعاد دغيا كتصوف يعني خزنيها وهي ناشفة كنتمنى شرحي يكون واضح وباين في امان الله

    • تعليقات بلوجر
    • تعليقات الفيس بوك

    0 التعليقات:

    إرسال تعليق

    تعليقك يشجعنا على الاستمرار

    Item Reviewed: حلويات اللوز : طريقة تحضير الكعاب بالتفصيل و الصور Rating: 5 Reviewed By: Unknown
    Scroll to Top