• اخرالمواضيع

    حلويات عيد الميلاد : بالصور طريقة تحضير طورطة hello kitty بعجينة السكر

     
    حلويات عيد الميلاد : بالصور طريقة تحضير طورطة hello kitty بعجينة السكر 

    السلام عليكم البنات
     قلت نزل ليكم اليوم طريقة جديدة لتزيين الطورطات
    انا اول مرة نجرب نخدم بعجينة السكر و الحمد لله صدقات داكشي علاش قلت نزل ليكم الطريقة بالتفصيل

    وهاهي كيف كاتجي
     بالنسبة للجينواز انا هاد المرة استعملت المقادير التالية و عطاتني جينواز قطعتها على 3
    6 بيضات
    180 غرام سكر
    180 غرام طحين
    فاني
    قبصة ملح

    نضربو البيض مع السكر و الفاني مزيان مزيان بالطراب
    ثم نضيف الطحين نخلط من الفوق للتحت بمعلقة
    ندير الخليط في مول مدهون بالزبدة و مرشوش بالطحين و نطيبوه



     بالنسبة للكريم استعملت هولالا
    1/2 لتر مطرب مع 2 معالق سكر كلاصي


    هنا مقادير الباستياج او عجينة السكر

    انا خديت هاد المقادير من النت و لكن باش نكون صريحة جاتني شوية جارية و اضطريت نزيد السكر كلاصي
    ولكن غادي نعطيكم المقادير الاصلية
    450 غرام سكر كلاصي
    6 معالق كبار ماء
    2 معالق كبار عسل او كليكوز
    معلقة كبيرة زبدة
    2 اوراق الجيلاتين
    ملونات غذائية كيفما بغيتو

    نضع الماء و الزبدة و العسل في كسرونة على نار مهيلة حتى تذوب الزبدة
    نطفي البوطة ثم نضيف عليهم اوراق الجيلاتين مفزكة في الماء و نحرك مزيان حتى يدوب الجلاتين ثم نضيف الخليط على السكر كلاصي بالتدريج حتى تصبح العجينة متماسكة
    نقسم العجينة على 3
    نخلي جزء صغير منها ابيض و جزء اصغر منو نضيفو له الملون الاصفر
    الجزء الاكبر نضيفو له الملون الاحمر حتى يولي وردي
    نديرهم في بلاستيكة و في بواطة ثم ندخلوهم الثلاجة حتى نحتاجوهم




    نرجعو للجينواز
    بعدما بردات نقسموها على 3
    نسقيوها بسيرو ديال الماء السكر الحامض
    و نعمروها بالكريم شانتيي و ندخلوها تبرد شوية

     نسرحو عجينة السكر الوردية و نزلوها فوق الكيك و نقدوها
    ثم نقطعو الاشكال الاخرى كما في الصور

    وبالنسبة للعينين و الموستاش هههه ديال القطيطة ندوبو الشكلاط الاسود و نزوقو بيه
    الوريدات نصاوبوهم بالطابع ديال الصابلي
    في الجناب نزوقو بالشانتيي




    • تعليقات بلوجر
    • تعليقات الفيس بوك

    0 التعليقات:

    إرسال تعليق

    تعليقك يشجعنا على الاستمرار

    Item Reviewed: حلويات عيد الميلاد : بالصور طريقة تحضير طورطة hello kitty بعجينة السكر Rating: 5 Reviewed By: Unknown
    Scroll to Top