• اخرالمواضيع

    تجربتي بأمانة مع الكثيرا لكثافة الشعر و وقف التساقط



    تجربتي بأمانة مع الكثيرا لكثافة الشعر و وقف التساقط
     
    أولا الكثيرا الثمن ديالها غالي ,إلا اخديتي منها 10  دراهم كاتبان ليك قلييييييييلة و مادير والو و لكن هي فالحقيقة اسم على مسمى كثيرا و كثييييرة بصح و أنا غادي نقولكم علاش من خلال طريقة تحضيرها
    أولا كنديرو الماء يسخن مزييااااان حتى يغلي
    و كنصبوه على الكثيرا حتى تتغطى مزيان و نغلقو العلبة و نخليوها(استعملت 10 دراهم كثيرا)
    مرة مرة افتحي العلبة غير يباليك الماء نقص زيدي و غادي تلقايها تنفخات و تزادت بشكل كبييير
    خليها حتى ترطاب مزيييان
    أنا كنديرها فالخلاط الكهربائي باش كتولي بحال جيل مافيهاش حبيبات و كنحتفظ بها فعلبة مغلقة فالثلاجة
    عند الاستعمال كنخرج شوية منها و نضيف عليه صفار بيضة و شوية ريحان و الورد مطحون و زيت الزيتون و نشقق به فروة الرأس بلا منطلي شعري كامل و ممكن تستعملها بدون إضافات
    و نخليها 3 ساعات
    اللي كتعاني من تساقط الشعر من الاستعمال الأول غادي يبان ليها الفرق و فرق كبيير
    أنا كنت كنعاني من تساقط الشعر بشكل كبير غير ندوز المشطة فشعري كتخرج عامرة مكاتبانش من الشعر بلا منهدر على داكشي اللي كيطيح فكتافي و الأرض حدث و لا حرج
    من بعد سمعت على الكثيرا و قريت عليها فالأنترنت و ملي لقيت أنها مافيهاش ضرر و قريت تجارب النساء قلت نجرب على أساس مافيها ضرر و أنا متيقنة أنها مافيها فايدةهههههه لكن الحمد الله تفاجأت بنتيجة مزيانة و من أول استعمال من بعد كنمشط شعري كيبنو ليا شعيرات محسوبين فالمشطة و هذا الأمر اللي ماشي عادي بالنسبة ليا هههه
    كنستعملها مرة فالأسبوع و داومتها عام ولفت عليها ضروري غير نمشي للحمام نديرها
    نتائجها غزالة رجع شعري قوي و توقف التساقط
    لكن بصراحة شهر 9 من كل سنة ما كتنفع معاه حتى وصفة ضروري ما يطيح ليك الشعر و لكن الحمد ماشي بالحجم اللي كان عليه قبل ما نستعمل هاد الوصفة
    و نزيدكم حاجة أخرى مفيييدة بزاف ,الزعتر حتى هو مفيد بزاف للشعر ,,كنغلي وريقات الزعتر فالماء و نصفي الماء كنديرو فقرعة من بعد الاستحمام كنشقق به شعري و نغطيه بفوطة كيطول الشعر و يقويه
                                                                                                     
                                                                                                       ليلى أم معاذ

    سأعمل على تنزيل الصور للكثيرا و طريقة تحضيرها

     كل الوصفات تجدونها على موقع أنت أحلى

    • تعليقات بلوجر
    • تعليقات الفيس بوك

    0 التعليقات:

    إرسال تعليق

    تعليقك يشجعنا على الاستمرار

    Item Reviewed: تجربتي بأمانة مع الكثيرا لكثافة الشعر و وقف التساقط Rating: 5 Reviewed By: Unknown
    Scroll to Top