• اخرالمواضيع

    بالصور طريقة تحضير المشمش و الخوخ المعلب في البيت



     بالصور طريقة تحضير المشمش و الخوخ المعلب في البيت

    من الاخت ام سعد و رميساء جزاها الله عنا كل خير
    لخوخ مرقد حلو كيجي غزااااااااال وحنا كنشروه بالدقة من المحلات الكبرى و هي طريقة تحضيرو ساهلة بزاااااف.انا ها السيمانة علبت الخوخ و السيمانة الجاية ان شاء الله المشماش و لكن الطريقة راه واحدة.

     لتحضير السيرو قياس الماء دوبل قياس السكر. انا استعملت كاس ديال السكر سنيدة و جوج كيسان ديال الماء. و 6 خوخات كبار خرجولي 3 قرعات صغار.
     في كاسرونة غادي ندوبو السكر و الماء حتى يولي سيرو ونحطوه على جنب.
    القراعي طبعا خاصنا نغسلهم مزيان و نغلوهم في الماء طايب و ن قلبهم فوق فوطة ديال الكوزينة نقية

    في كسرونة كبيرة او طنجرة نسخنوالماء حتى يغلى و نحطو فيه الخوخ دقيقة واحدة.و في زلافة كبيرة نكونو عمرناها بالماء و التلج نحطو فيها الخوخ باش يبرد .



     و نستفوه في القراعي ونخويو عليه السيرو لي وجدنا من قبل. و نسدو القراعي و يا اما نحطهم في الماء يغلو واحد دقيقة او نطلقو عليهم الماء سخون.
     و نمسحوهم مزيان ونحطوهم في بلاصة مضلمة بحال ش بلاكار
    و هاد اخوخ ممكن يقى عام كامل ماشي بحال الفريكو 3 اشهر و صافي.
    و بالصحة و الراحة و متنساوش تدعو معاي و مع جميع الاخوات لي محتاجين دعائكم.
    السلام عليكم و رحمة الله تعالى و بركاته.
    • تعليقات بلوجر
    • تعليقات الفيس بوك

    0 التعليقات:

    إرسال تعليق

    تعليقك يشجعنا على الاستمرار

    Item Reviewed: بالصور طريقة تحضير المشمش و الخوخ المعلب في البيت Rating: 5 Reviewed By: Unknown
    Scroll to Top