• اخرالمواضيع

    بالصور طريقة تحضير كيكة ماء الزهر


    بالصور طريقة تحضير كيكة ماء الزهر

     من مطبخ أم وائل



    هاد الكيكة كنت خديتها من واحد المنتدى قبل تلات سنوات وشحال وانا كنقلب عليها لانني كنت جربتها وسجلتها في واحد الورقة
    والحمد لله لقيتها وقلت نصورها لكم لانها تتجي زوينة وبنينة ومختلفة




    المقادير


     


    للكيكة
    5البيضات
    2كيسان ونص طحين
    3خميرات الحلوى
    كاس سنيدة
    تلات ارباع كاس زيت
    ربع كاس ماء الزهر
    كاس فيه التلت ديال الزبيب والتلت لوز والتلت ديال الكركاع

    للتزيين
     
     
    لوز وكركاع صحاح
    لوز وكركاع مهرمش
    عسل
    سيرو انعطيكم طريقتو



    قبل نقول لكم الطريقة
    بالنسبة للاخوات الي في ايطاليا هاهي الخميرة الي درت انا

    ودرت غير باكية ونص



    وعندي ملاحظة
    انا خديت هادو





    الى لقيتيهم في شي بلاصة متزكليهمش
    لانهم كيعاونوك وكعطوك القياس مضبوط بالاضافة انهم كسهلو عليك
    لان كاين القياس ديال كاس ونص وربع وتلت وسدس
    والمعالق نفس الامر
    وهوما اكتر عملية لان تتخدمي بيه وتغسليهم ومعروف الدور ديالهم حسن من ما تعرمي عليك قوت الكيسان
    انا كعجبني التنظيم ومن تتكون كل حاجا عندك بدورها تتساعدك اولا في الشقا وتانيا تا النفسية ديالك تتكون زوينة سواء ونتي تتجهزي الاكلات ديالك او من بعد
    هادا رايي
    ربما ما يبان لكمش ان هادشي شي حاجا كبيرة ولكن كنفضل ندكر لكم بحال هاد الامور واخا هوما بساط ولكن ممكن شي اخت مبتدءة بحالي تستافد منهم

    دابا ندوزو للطريقة

    كنهرمشو اللوز والكركاع




    وكنسخنوهم شوية غي المقلا



    كنخلطو البيض والسنيدة




    وزيدي السوائل
    تم الدقيق مخلط مع الخميرة



    وفي الاخير ديري الفواكه الجافة
    طبعا الزبيب قطعيه تاهو




    دهني المول بالزبدة ورشيها بالدقيق




    دخليها للفران

    في هاد الوقت وجدي السيرو
    كاس سنيدة ونص كاس الما ونص كاس ماء الزهر



    ديري السنيدة والماء على نار مهيلةونتي تتحركي مرةمرة تا يوجد السيروديالك
    طفي عليه وزيدي عليه ماء الزهر

    ملي تخرجيها من الفران



    غطسي اللوز والكركاع في السيرو ومن بعد في العسل

     
    وتكي الكيكة ديالك بالموس


    سقيها بشوية السيرو والعسل الي بقا ليك
     
    تم زينيها 









    • تعليقات بلوجر
    • تعليقات الفيس بوك

    0 التعليقات:

    إرسال تعليق

    تعليقك يشجعنا على الاستمرار

    Item Reviewed: بالصور طريقة تحضير كيكة ماء الزهر Rating: 5 Reviewed By: Unknown
    Scroll to Top