• اخرالمواضيع

    بالصور كاتو سواري بأشكال متنوعة من مطبخ نجاة تادلة


    بالصور كاتو سواري بأشكال متنوعة من مطبخ نجاة تادلة

    مقادير الجينواز

    4 البيضات 

    120 سكر

    100 دقيق

    20 نشا 

    فاني

    جينواز بالشكلاط

    4 البيضات 

    120 سكر

    80 دقيق

    20 نشا

    30 كاكاو

    الطريقة
    ضربت البيض و السكر بالضراب الكهربائي تقريبا 20 دقيقة ضفت له الدقيق و النشا و الكاكاو مغربلين

    خلطتهم بشوية و فرغت العجين في طاوة كبيرة دخلتو للفران يطيب بنفس الطريقة للجينواز الثاني

    خليتهم يبردو قطعت كل جينواز الى 3 مستطيلات متساوية

    مقادير كريمة الزبدة

    200 زبدة لينة

    ربع كأس زيت

    فاني

    سيرو محضر من كأس سكر و نصف كأس ماء

    2 معالق كبار كاكاو

    وضعت الماء و السكر لعبار بكأس العنبة على نار مهيلة حتى بدا تيعمل فقاعات طفيت عليه و خليتو يبرد

    ضربت الزبدة مع الزيت و الفاني مزيان ثم ضفت لهم السيرو بارد نقصت منو 2 معالق مع تضراب حتى نحصلو على كريمة 

    قسمت الكريمة على 2 نصفها ضفت له الكاكاو مخلط مع 2 معالق السيرو لي احتفظت به و ضربت مرة أخرى 

    وضعت مستطيل أبيض ثم طبقة من كريمة الزبدة ثم مستطيل بالشكلاط و كريمة الزبدة ثم جينواز أبيض

    و غطيت بالقشدة الطرية مضربة

    وضعت مستطيل بالشكلاط ثم كريمة الزبدة بالشكلاط و جينواز أبيض و كريمة الزبدة

    ثم جينواز بالشكلاط و الفوق القشدة الطرية





    قسمت كل مستطيل على 2 تنحصل على 4 الحصص و ضعتهم في الثلاجة

    خذيت 10 الحبات فريز مجمد طحنتو ضفت له 3 معالق كبار سكر خليتو على نار مهيلة حتى بدا تيغلى 

    طفيت عليه و ضفت له ورقة جيلاتين مرطبة من قبل في الماء حركتو مزيان و خليتو دفى شوية

    فرغتو على الجينواز بعد ما عملت أشرطة من الكرطون على الجوانب باش ماتنزلش عليهم الصلصة

    عملت كأس سكر في كسرونة على نار مهيلة حتى ولا لونه بني ضفت له ربع كأس قشدة طرية سخنتها شوية

    باش ما يتكورش السكرحركتو حتى ندامجو و طفيت عليه خليتو برد مزيان و فرغتو على الجينواز

    عملت 50 غرام شكلاط أسود مع 50 قشدة طرية على نار مهيلة حتى داب الشكلاط طفيت عليه 

    دفى شوية و فرغتو على الجينواز

    الحصة الرابعة عملت فوقها طبقة سميكة من القشدة الطرية مضربة و عملت عليها تموجات بالفرشيطة

    بعد ما برد الجينواز مزيان خذيت سكين تنعملو في ماء ساخن ثم تنشفو بفوطة قطعت كل شكل الى 3 كاتوهات

    كل مرة تنقطع تنعمل السكين في الماء سخون و يتنشف باش تيجي التقطاع مقاد




    الكاتو الأول زينتو بالقشدة الطرية باللون الفانيدي وحبيبات من الحلوى

    و الباقي بالشكلاط أسود و أبيض و حلوى ملونة

    الشكل الأول و الثاني زينتهم بالشكلاط

    و الثالث بورقات من عجينة اللوز و حب ملوك معسل

    و الرابع بشرائح التفاح و حبات العنب و دهنتهم بالنباج

    الشكل الأول عملت عليه فيرمسيل ملون

    و الثاني بالقشدة الطرية بالأخضر و الفانيدي و في الوسط حبة من الشكلاط

    و الثالث بقلوب من الفانيد 

    و الرابع بالشكلاط الأسود

    • تعليقات بلوجر
    • تعليقات الفيس بوك

    1 التعليقات:

    تعليقك يشجعنا على الاستمرار

    Item Reviewed: بالصور كاتو سواري بأشكال متنوعة من مطبخ نجاة تادلة Rating: 5 Reviewed By: أنت أحلى
    Scroll to Top