• اخرالمواضيع

    سلطة مميزة بطرق مختلفة في التقديم من مطبخ أريج


    سلطة مميزة بطرق مختلفة في التقديم من  مطبخ أريج

    مساء الخير عزيزاتي أقدم لكم الآن كيفية تشكيل هذه السلطات نبدأ بأول سلطة وهي كالتالي
    سلقت بالتتالي خزو مقطعة قطع صغيرة لما حسيت بدات يدخل ليها الطياب زدت الروز وملح وخليتو يطيب من بعد أضفت الجلبانة ...لما يطيبو نقطروهم ونزيدو عليهم حتى يبردو 2+معالق كبار مايونييز وخل ولبزار و علبة ذرة وعلبة تون وملح حسب الذوق
    من بعد نديرو الخليط في مول أو إناء دائري ونقلبوه في الصحن ...







     ندوزو للمقرونية سمحولي ما صورتهاش المهم تسلقوها في ماء وملح وشوية زيت ولبزار وتقطروها وتخليوها تبردنغسلو الخيار ونقطعوه على جوج بحال هاذ الشكل بقشوره
    نقطعو بحا هكا ونلويو طرف على الآخر
    وهاهو الشكل اللي نتحصلو عليه
    نديرو مايونييز على الجوانب ونبداو نلسقو المقرونية واحدة بواحدة...ونصيحة ماطيبوش المقرونية بزاف بحال ما عملت أنا فهاذي فاتت لي في الطياب
    هاهي درت دورة كاملة وبديت بدورة ثانية
    سلقت جوج بيضات وحكيتهم فالحكاكة الغليظة ودرتو مع الجوانب
    وبديت نحط وريدات لخيار واحدة قدام واحدة على جوانب السلطة
    خديت واحد ساشي ديال فروماج ديال سندويش وقطعتو ولويت باش يعطيني وردة نزين بيها
    ودرت وريدات الخيار في الوسط ثم وردة الفروماج البيضاء وهاهي سلطة جميلة بأقل تكلفة


    يلا ماكانش عندك فروماج يمكن تزيينيها بوريدات الخيار فقط في الوسط كتجي منظر رائع
    هذي سلطة تقريبا نفس المقادير ديال الأولى غير أنا درت فيها إيبلي بدل الروزوباقي المقادير هي نفسها اللي استعملتها في الأولى









    هذي نفس السلطة اللي حطيت ليكم عاد دابا غي أنا فكرت وقلت نضيف ليكم تزيين يمكن تقومو بيه بدل هذا الشكل ...هذي درت وردة من قشور مطيشة في الوسط بدل الفروماج اللي درتو في الأولى














    أما الثالثة فهي تتكون من بقايا المقرونية اللي سلقتها لما عملت السلطة الثانية وخزو مسلوق وجلبانة وذرة وسورمي محكوك يلا ما كانش ديرو تون أو بلاش وماييونيز وخل وملح ولبزار ونديرها في مول ونقلبوها في الطبسيل ونديرو مايونيز ونديرو السورمي نقطعوه طريفات صغار ونديروها على هذا الشكل ونزينو بوريدات الخيار مع الجوانب وخس وخيار مقطع دوائر ومطيشة قطع وقبل التقديم تسقى بلاصوص ديال خل وزيت ولبزار وملح




    • تعليقات بلوجر
    • تعليقات الفيس بوك

    0 التعليقات:

    إرسال تعليق

    تعليقك يشجعنا على الاستمرار

    Item Reviewed: سلطة مميزة بطرق مختلفة في التقديم من مطبخ أريج Rating: 5 Reviewed By: أنت أحلى
    Scroll to Top