• اخرالمواضيع

    صينية السردين بالسبانخ وإيبلي رائعة وصحية من مطبخ أريج

    صينية السردين بالسبانخ وإيبلي رائعة وصحية من مطبخ أريج

    مساء الخير...لكل الصديقات العزيزاتي إليكم وصفتي....السردين بالسبانخ وإيبلي كتجي رائعة وصحية.....أولا كيلو سردين منقي ومحايدين لو السلسول ومغسول ...نخليوه يستقطر من بعد ناخذوه ونرشو عليه الأعشاب المنسمة أو ثوم غبرة أو نحكو عليه 3فصوص ثوم اللي عندك وشوية إبزار وملحة ونخليوه على جنب يتشرب النكهة مزيان ...نمرو للسبانخ نقيوها ونغسلوها نقطروها من الماء...في مقلاة نضع شوية زيت ما نكتروش نزيدو أوراق السبانخ وإبزار وشوية ملحة وفص ثوم محكوك ونغطيو عليها على نار مهيلة ...بمجرد ما تذبال نحايدو السبانخ ونخليوها تبرد ....في كاسرونة نوضعو ماء شوية زبدة وملح نحاولو ما نكتروش منها حيث السردين فيه والسبانخ كذلك ...ونوضعو فيها إيبلي أو الروز ونزيدو لبزار نخليوه يطيب وينشف من الماء تماما...من جهة أخرى نقطعو مطيشة دوائر بقشورها وفلفلة خضراء وحامضة دوائر هي الأخرى ونبداو نشكلو هذا الطبق....في صينية الفرن المستديرة المدهونة بالزيت...نأخذسردينة نسرحوها ونوضعو فوقها ورقة من السبانخ ....يلا كانت صغيرة الحوتة ديرو ورقة واحدة ويلا كانت كبيرة ديرو ورقتين من السبانخ ثم فوقهاحبات إيبلي أو الروز ولفوها وحطوها في الصينيةكما تبين لكم الصور حتى تنهو الدائرة....أنا الصينية كبيرة ما قدنيش السردين كنت باغية نزيد دورة أخرى منو لكن بقاولي5 أو 6 ديال السردين درتهوم في الوسط....مابين سردينة والأخرى درت مطيشة وفي الوسط عملت مطيشة دوائر وسردين اللي بقالي وفلفلة والحامضة ....رشوها بشوية زيت الزيتون وحكو عليها الي بغيتو من الأعشاب...وشوية ربيع مقطع اختياري...وإلى الفرن وبالصحة والراحة....




    • تعليقات بلوجر
    • تعليقات الفيس بوك

    0 التعليقات:

    إرسال تعليق

    تعليقك يشجعنا على الاستمرار

    Item Reviewed: صينية السردين بالسبانخ وإيبلي رائعة وصحية من مطبخ أريج Rating: 5 Reviewed By: أنت أحلى
    Scroll to Top