• اخرالمواضيع

    طريقة تحضير كيكة ماء الزهر و الزبيب


    طريقة تحضير كيكة ماء الزهر و الزبيب
    من الاخت : ام وائل جزاها الله عنا كل خير
    هاد الكيكة كنت خديتها من واحد المنتدى قبل تلات سنوات وشحال وانا كنقلب عليها لانني كنت جربتها وسجلتها في واحد الورقة 
    والحمد لله لقيتها وقلت نصورها لكم لانها تتجي زوينة وبنينة ومختلفة


    المقادير
    5البيضات
    2كيسان ونص طحين
    3خميرات الحلوى
    كاس سنيدة
    تلات ارباع كاس زيت
    ربع كاس ماء الزهر
    كاس فيه التلت ديال الزبيب والتلت لوز والتلت ديال الكركاع
    للتزيين
    لوز وكركاع صحاح
    لوز وكركاع مهرمش
    عسل
    سيرو انعطيكم طريقتي
    دابا ندوزو للطريقة

    كنهرمشو اللوز والكركاع
    وكنسخنوهم شوية غي المقلا
    كنخلطو البيض والسنيدة وزيدي السوائل تم الدقيق مخلط مع الخميرة
    وفي الاخير ديري الفواكه الجافة طبعا الزبيب قطعيه تاهو
    دهني المول بالزبدة ورشيها بالدقيق

    دخليها للفران

    في هاد الوقت وجدي السيرو
    كاس سنيدة ونص كاس الما ونص كاس ماء الزهر
    ديري السنيدة والماء على نار مهيلة ونتي تتحركي مرةمرة تا يوجد السيروديالك
    طفي عليه وزيدي عليه ماء الزهر

    ملي تخرجيها من الفران
    غطسي اللوز والكركاع في السيرو ومن بعد في العسل
    وتكي الكيكة ديالك بالموس
    سقيها بشوية السيرو والعسل الي بقا ليك
    تم زينيها 

    • تعليقات بلوجر
    • تعليقات الفيس بوك

    0 التعليقات:

    إرسال تعليق

    تعليقك يشجعنا على الاستمرار

    Item Reviewed: طريقة تحضير كيكة ماء الزهر و الزبيب Rating: 5 Reviewed By: أنت أحلى
    Scroll to Top