• اخرالمواضيع

    أجي تشوفي باش مهلية فراسي خطوات سهلة و نتيجة روعة



    أجي تشوفي باش مهلية فراسي خطوات سهلة و نتيجة روعة

    بالنسبة للمواد التجميل مابقيتش كنشري الكريمات الغاليين وليت كنشري كريم مرطب hyderma
    راه رخيص و كنزيد ليه شوية ديال العكر الفاسي و هاد الكريم مرطب و مفتح للبشرة فنفس الوقت و للشفتين.
    كندوب شوية ديال الفازلين مع شوية العسل و العكر الفاس يو كنديرو يوميا كيخلي الشفايف رطبين و حمرين مابقيت كنحتاج لا عكر و لا كلوص و راه العكر الفاسي كناخد منو غرام و نص و كيشد ليا عام.
    بالنسبة للرموش كندير ليهم قبل مانعس شوية ديال الفازلين و كنكحل بالكحل البلدي و لاو رموشي تبارك الله طوال و غلاض و ماكنحتاجش ندير ليهم الماسكرا.

    اما ماسك البصلة ولا مكيخطانيش كنديرو قبل الحمام ونخليه 2 سوايع ونزيد فوقو ماسك البنان والزبدة واصفر البيض والخرقوم كيلونو ويلمعو بحال الا درتي كيراتين جديد. هاد الشيء كنديرو كل اسبوع وشعري ولا حريري وكيطوال الحمد لله

    و بالنسبة للشمبوان كنشري قرعة كبيرة و كنقسمها على 2 قراعي و كنعمرهوم بمنقوع السدر منها كنقتاصد و منها كنحافض على شعري حينت منقوع السدر كيقوي الشعر ،
    ملاحظة
    كنخفي ريحة البصلة بزيت الكوك يا سلام شعرك ريحتو غزالة.

    الزيت للي في الصورة كنضيف منها في الماسكات ديالي فيها
    فلفلة مقطعة وحفينة حلبة وحفينة ازير كنزيد عليهم زيت العود ونخليهم يسخنو مزيان في البان ماري ممللي تبرد الخلطة نخبيها في مكان مظلم 15 يوم عاد نقدر نستعملها

    ونتوما باش مهليين في راسكم اخواتي ؟...
    • تعليقات بلوجر
    • تعليقات الفيس بوك

    0 التعليقات:

    إرسال تعليق

    تعليقك يشجعنا على الاستمرار

    Item Reviewed: أجي تشوفي باش مهلية فراسي خطوات سهلة و نتيجة روعة Rating: 5 Reviewed By: أنت أحلى
    Scroll to Top