• اخرالمواضيع

    بلاطو منوع من الحلويات الراقية في المنظر والمذاق


    بلاطو منوع من الحلويات الراقية في المنظر والمذاق

    اليوم ان شاء الله سابدا بتنزيل مجموعة من الحلويات الراقية في المنظر والمذاق فقط اطلب منكم الدعاء بالرحمة لوالدي الحبيب ولكل موتى المسلمين
    سابدا باول حلوى من يمين البلاطو :
    صابلي المروحة
    المقادير
    125غ زبدة بوماد
    100غ سكر
    بيضة
    4 معالق زيت
    50غ لوز محمر ومطحون
    50غ زنجلان محمر ومطحون
    50غ كوك مطحون
    25غ زبيب مطحون
    ملح
    نصف خميرة
    الدقيق حسب الخليط
    الطريقة
    تنخدمو الزبدة مع السكر تم تنضيفو البيض والزيت ونخدمو الكل مزيان مع اللوز والكوك والزنجلان والزبيب والملح تم تنضيفو الخميرة والدقيق حسب الخليط تنوضعو العجين في التلاجة تبرد نورقوها بالمدلك ونقطعوها دوائر ندخلوها للفرن ملي طيب وتبرد نزينوها بالكراميل وموتيف الشكلاط
    مقادير الكراميل
    6 معالق كبار نيسلي كراميل
    4 معالق كليكوز
    2 معالق عسل
    نوصعو الكل فوق نار هادئة مع التحراك المستمر حتى يتعلك الخليط ويولي فحال التوفي نوضعوه فوق الصابلي ونلصقو موتيف الشكلاط على شكل مروحة باللون الابيض والاسود
    هاد الصابلي تيجي تيتعلك ولذيذ في المذاق 

    الشكل صابلي بعقدة اللوز
    مقادير الصابلي
    75غ زبدة عادية
    50غ سكر كلاصي
    اصفر بيضة
    30غ بودرة اللوز
    ملح
    الدقيق حسب الخليط
    الطريقة
    تنخدمو الزبدة بوماد مع السكر تم تنضيفو اصفر بيضة والملح واللوز والدقيق حسب الخليط تندخلوها للتلاجة ملي نخرجوها نسرحوها ونطبعوها بطابع دائري نستفوها في لاطة ونزينوها بالعقدة
    مقادير عقدة اللوز
    100غ بودرة اللوز
    100غ سكر كلاصي
    ابيض بيضة
    تنخلطو اللوز مع السكر ونبدا في اضافة ابيض البيض حتى الحصول على خليط لين مبكونش جاري باش مايسيحش من جوانب الصابلي (حوالي ابيض بيضة صغيرة )تنوضعو هاد الخليط في جيب حلواني ونزينو الصابلي من الفوق بشكل دائري نذخلوه لفرن ساخن على نار معتدلة
    ملي يطيب نزينوه بالكلاصاج الميتاليزي ( تيتباع جاهز في محلات بيع مواد الحلويات ) انا استعملت نكهة الفريز والبرتقال ونزينو بعجين اللوز على شكل ورقة خضراء
    ممكن نزينوه بالمربى اي نوع واي نكهة 

    صابلي النجمة بحشوة الفويتين والبغاليني
    مقادير الصابلي
    125غ زبدة بوماد
    100غ سكر ملاصي
    4معالق زيت
    بيضة
    40غ بودرة اللوز
    نكهة اللوز
    ملح
    الدقيق حسب الخليط
    تنخدمو الزبدة مع تم نضيف البيض والزيت والملح و اللوز والدقيق حسب الخليط نذخلوها للتلاجة تم نسرحوها ونقطعوها بطابع النجمة نذخلوها للفرن ملي تكيب وتبرد نوضعو الحشو بين 2 قطع الصابلي
    الحشو
    100غ بغاليني
    130غ شكلاط بالحليب ذائب
    120غ فويتين
    تنخلطوكل المقادير ونوضعوه بين 22 بلاستيكات نسرحوه رقيق بالمدلك وندخلوه للتلاجة يبرد ويقبط تم نطبعوه بنفس طابع النجمة تنوضعوه فوق قطعة من الصابلي ونغطيو بقطعة اخرى من الصابلي ونزينوه بموتيف ديال الشكلاط على شكل نجمة 
    لملوزة اتنان في واحد : بالكاكاو واللوز ايفيلي
    المقادير
    250غ بودرة اللوز
    125غ سنيدة
    6 معالف زبدة مذوبة
    3 معالق ماء الزهر
    2 اصفر البيض
    قشرة حامضة محكوكة
    ملح
    نصف خميرة الحلوة
    تنطحنو اللوز مع سنيدة تنضيفو الزبدة والبيض والملح وقشرة الحامض وماء الزهر والخميرة
    تنقسمو هذا الخليط على 2 الجزء الاول تنضيفو ليه ملعقة كاكاو مر
    والحزء التاني تنحتافظو بيه كما هو
    بالنسبة للخليط الاسود تنديرو منه كويرات صغار و تنمرمدوهم في سكر كلاصي سبيسيال مخلط معه شوية الخميرة وتنحاولو نوضعو السكر بالزايبد فوق الغريبة وتنوضعوها في لاطة
    بالنسبة للجزء التاني تنديرو منه كويرات صغار تندوزوهم في ابيض البيض واللوز ايفيلي
    تنشعلو الفرن على نار مهيلة وتنذخلو الغريبة مباشرة التحت بدون مايسخن الفران وبحيت تكون النار فوق وجه الغريبة باش تتشقق لنا غير تبدا تتشقق ونطلعوها الفوق بحيت النار تكون تحت الحلوة باش تكمل التشقق والطياب
    • تعليقات بلوجر
    • تعليقات الفيس بوك

    0 التعليقات:

    إرسال تعليق

    تعليقك يشجعنا على الاستمرار

    Item Reviewed: بلاطو منوع من الحلويات الراقية في المنظر والمذاق Rating: 5 Reviewed By: أنت أحلى
    Scroll to Top